பிட்டுபடம்

டிஸ்கி : வக்கிரமா ஒன்னும் இல்ல பிட்டுக்காக புண் சுமந்த கதை

முதல்முத்தம் போன்ற படப்பிடிப்பு லிஸ்ட்ல கண்டிப்பா முதல்பிட்டு படமும் அடங்கும் ஏன்னா இது கதையல்ல ஓவ்வொரு ஆண்மகன்களின் நீல சரித்திரம் 

மில்லினியம் (2000-2001) ஆண்டுகளுக்கு அப்புறம் 11ஆம் வகுப்பு போயிருந்த சமயம் மீசை முளைச்ச பிற்பாடு எல்லோரையும் போலவே ஆசையும் முளைச்சது அந்த சமயம் உலகம் முழுக்க Y2Kன்னு எதோ பிரச்சின பரவியிருந்தது அதோட ஃபுல் பார்ம் என்னன்னு தெரில ஆனா என்ன மாதிரி பசங்களுக்கு இருந்த ஒரே பிரச்சின H2K இதோட ஃபுல்பார்ம் ஹவ் டூ கசமுசா.. 

ஏன்னா வயசுக்கு வந்துட்டோமே தவிர அதுபத்தி ஏதுவுமே தெரியாது அதுபத்தி தெரிஞ்சிக்க அப்போதைய விஞ்ஞானம் எங்ககிட்ட மிகப்பெரிய அறிவியல் புரட்சியான மெமரிகார்டுகளில் பிட்டு படங்களை ஷேவ் பன்னி பாக்கும் டிசைன்லாம் இல்லாம எங்களுக்கு ஓன் ருபி காயின்ஃபோன்,லேண்ட்லைன் ஃபோன், நோக்கியா செங்கல் ஃபோன் என மூனே மூனு மாடல்களில் மட்டும்தான் (செல்)ஃபோன தந்திருந்தது தவிர கொசுநெட் வாலிபால்நெட் புட்பால் நெட் இதைதவிர இண்டெர்நெட்டை சராசரி மனிதஇனம் பொழங்கவும் தரல 

சரி நம்ம தமிழ்சினிமாவுலயாச்சும் அத பத்தி தெரிஞ்சுக்கலாம்னா அது ரெண்டு பூவ முட்ட வைச்சு குலுங்க வைக்கிறது குதிரைகள் ஓடுவது கடல்அலை பாறைல மோதுவது போன்ற உலக சினிமாவுல கூட இல்லாத குறீயிடுகளை மட்டுமே காமிச்சது இதுல சோகம் என்னன்னா இன்னிக்கு வரைக்கும் அந்த குறியீடு எதுவுமே விளங்கல

இப்படியாக தேடல் நீண்டிருந்த சமயம் இதை பற்றிய விவாதங்கள் நண்பர்கள் மத்தியில நடந்தபோது எல்லார் செட்டுலையும் இருக்கிற மாதிரியே எங்க செட்டுலையும் எக்ஸ்பிரியன்ஸான சூதுகவ்வும் விஜய் சேதுபதி மாதிரி ஒருத்தன் இருந்தான் அவன் சொன்னான் இந்த மாதிரியான கல்விச்செல்வத்துக்கெல்லாம் எல்லாம் மலையாள சினிமா உலகம்தான் முன்னோடி அங்க அன்பின் ரேஷ்மா,ஷகீலா போன்ற தேவதைகள் நடிச்ச படம் பாத்தாபோதும் எல்லா விசயமும் விளங்கிறும் மக்களேன்னு 

இந்தியாவுலயே கல்வி அறிவுல கேரளம்தான முதலிடம்னுதான படிச்சிருக்கோம் ஒருவேள இந்த பக்கி பொய் சொல்றானோன்னு நினைச்சப்போ மைண்ட்ல முதல்வன் படத்து ரகுவரன் வந்து அவர் வாய்ஸ்லயே தம்பி அது கலவி போடவேண்டியது கல்வின்னு பிரிண்ட் ஆகிருச்சுப்பான்னு சொன்னாப்ல அப்புறம்தான் நம்பிக்கை ஒளிக்கீற்றுகள் கேரளத்தில் இருந்து உற்பத்தியாகுதுன்னு 
நிம்மதி+சந்தோசம் வந்தது 

அப்ப கண்டிப்பா எல்லாரும் ஒரு மலையாள படத்துக்கு போலாம்னு கூட்டறிக்கை விட்டப்போ மரியாதைக்குரிய எங்க செட் சூதுகவ்வும் விஜய் சேதுபதி சொன்னான்
பிட்டு படத்துக்கு போறதுக்கு 4 ரூல்ஸ் இருக்கு அத கடைபிடிச்சா மட்டும்தான் போகமுடியும்

ரூல் நம்பர் 1 : யூனிபார்ம் மேல போட்டுக்க ஒரு கலர் சட்டை கொண்டு வரனும் அப்பதான் நாம ஸ்கூல் பசங்கன்னு யாருக்குமே தெரியாது 

ரூல் நம்பர் 2 : படம் போட்டு 15 நிமிசம் கழிச்சுதான் தியேட்டர்க்குள்ள போகனும் அப்பதான் இருட்டுல நம்ம மொகரைய யாரலயும் கண்டு பிடிக்க முடியாது 

ரூல் நம்பர் 3 : எல்லாரும் கர்ச்சீப் கொண்டுவரனும் அப்பதான் இண்டர்வெல்ல லைட் போட்டாலும் முகத்த மூடிக்க முடியும்

ரூல் நம்பர் 4 : படத்தோட கிளைமாக்ஸ் பாக்க ஆசைபடாம 15 நிமிசத்துக்கு முன்னமே தியேட்டர காலிபன்னனும் அப்பதான் இருட்டோட இருட்டா எஸ்கேப் ஆக முடியும் 

இதுக்கெல்லாம் சம்மதம்னா மட்டும்தான் கூட்டிட்டு போவேன் ஓகே வா 

எல்லா ரூல்ஸும் கெளரவத்த காப்பாத்திக்கதான்னு ஒரு மனதாக தீர்மானம் நிறைவேற்றப்பட்டு ஒரு சுபயோக சுபதினத்தில் அப்போ ரிலீசாகியிருந்த எங்கள் முதல் பிட்டு படமான "லயனம்" ஓடுகிற தியேட்டருக்குள்ள ரூல் நம்பர் 1 பிரகாரம் 15 நிமிசம் கழிச்சு நுழைஞ்சோம் 

கும்மிருட்டில் குறுகுறுப்பில் தட்டுதடுமாறி சேர்ல உக்காந்து பாத்தா வெண் திரையில் ரேஷ்மா அவங்க வீட்டுக்காரர்க்கு டாட்டா காமிச்சாங்க அடடா இந்த 15 நிமிசத்துல நைட் சீன் மிஸ்ஸாகியிருக்குமோன்னு படப்பிடிப்பாகி பக்கத்து சீட்ல உக்காந்திருக்கிறவர்கிட்ட பாஸ் நாங்க வரதுக்கு முன்ன பலான சீன் எதாவது வந்திச்சான்னு கேட்டேன் அவர் ஒரு சீனும் வரல தம்பி இனிதான் வரும் பேசாம பாருன்னு சொன்னார் சரி தீவிரவாத ரசிகர் போலன்னு ஸ்கீரின மட்டும் பாத்தேன் 

ஆபிஸ் முடிஞ்சு விட்டுக்கு வந்த வீட்டுக்காரர ரேஷூ ஓமன குட்டி மல்லிக பூவெல்லாம் வச்சு வரவேத்து சாப்பாடு பறிமாறினதுக்கப்புறம் அடுத்த முக்கிய கட்டத்துக்கு வந்தாங்க ஜிவ்வ்வுன்னு நாபி கமலத்துல குண்டுகள் படபடக்க ஒட்டு மொத்த கூட்டத்தின் கண்ணும் ஸ்கிரீன்ல இருந்து... உற்சாக மிகுதியாக கைதட்டி விசிலடிச்ச கூட்டத்துல எனக்கும் ஒரு பங்கு இருந்தது அப்படியே நாக்கு வரண்டு பாத்துகிட்டிருக்கும் போது அந்த படத்து டைரக்டர்சனியன் வச்சான் பாருங்க ஒரு ட்விஸ்ட்டு உஸ்ஸ்ஸ்ஸ்ஸ்ஸ் ரேஷூ விட்டுக்காரர்க்கு காத்து போச்சு....
அடபாவி ஒன்னுமே காட்டலயேடான்னு எல்லாரும் எங்க செட் வி.சேதுபதிய முறைக்க அவன் நித்தியானந்தா மாதிரி சிரிச்சு பொறுமைன்னு கை காட்டி வெறுப்பேத்துனான் 

மறுபடியும் காலைல ரேஷூ வீட்டுகாரர் வேலைக்கு போக அட போங்கடான்னு வெறுத்து நொடியில எங்கிருந்தோ கிர்ர்ர்ர்ன்னு பெல் அடிச்சாங்க ஓட்டுமொத்த கூட்டமும் ஓக்காந்துகிட்டே அட்டென்சன் சார்ன்னு ஸ்கீரின பாக்க என்ங்கடான்னு இதுன்னு நானும் ஸ்கீரன பாத்தேன் ஸ்கிரன்ல திடிர்னு வேற எதோ படத்த இடையில சொருகியிருந்தாங்க அதுக்கு பேர்தான் பிட்டாம் ஒருவழியா 10 நிமிசத்துக்கு எல்லாரும் பிட்டெனும் இன்பவெள்ளத்தில் நீச்சலடிச்சு முடிக்க கிர்ர்ர்ர்ன்னு அடுத்த பெல்சத்தம் ஸ்கிரீன்ல இடைவேளைன்னு வந்தது கூடவே தியேட்டர்குள்ள வெளிச்சமும் வந்தது அப்ப நிஜ சனியன் அவன் பங்குக்கு ஒரு ட்வீஸ்ட் வச்சான் 

பலான சீன பத்தி விசாரிச்ச பக்கத்து சீட் தீவிரவாத ரசிகர் யாருன்னு திரும்பி பாத்தேன் அவர் அப்பாவுக்கும் எனக்கும் நல்லா தெரிஞ்ச எங்க மாமாவோட ஹவுஸ் ஓனர்.... சட்டுன்னு ரூல்ஸ் 3 ஞாபகம் வந்து தற்காப்பு கலைய தொடங்கறதுக்குள்ள அவர் என்னையும் பாத்துட்டார் அப்ப மறுபடியும் முதல்வன் ரகுவரன் மைண்ட்ல வந்து ஹா ஹா தம்பி இப்ப தெரிஞ்சதா பிட்டுபடமுங்கிறது ஒரு முள்கீரிடம்னு சொல்ல...சர்தான் போயான்னு மீதி ரூல்ஸயும் பசங்களையும் விட்டுபோட்டு எடுத்தேன் பாருங்க ஒரு ஓட்டம் ரோடுன்னு கூட பாக்கலியே வீட்லதான் போயி நிப்பாட்டினேன் 

அப்புறமா 2 நாள் கழிச்சு அந்த ரேஷ்மா ரசிகர் மன்ற தலிவர் மிக சரியாக நைனாவிடம் வத்தி வச்சிருந்தது தெரியாம ஸ்கூல் விட்டு வந்ததும் அப்பா கூப்பிட பொல்லாதவன் தனுஷ் கணக்கா அப்பா சொல்லுப்பான்னு சிரிச்சிட்டே போய் நிக்க ரைன்னு மூஞ்சில விழுந்தது ஒரு அறை

நைனா மோதிரம் போட்டிருந்த காரணத்தினால் லேசாக உதடு கிழிஞ்சு ரத்தம் வர அப்பா பயந்து போய் துணி எடுத்து தொடச்சுவிட்டுட்டு அதுக்குள்ள பெரிய மனுசனாவானேன் அடி வாங்குவானேன் சொல்லிட்டு போக அப்பதான் புரிஞ்சது இந்த அடி பிட்டுபடத்துக்காகன்னு.... அந்த காயம் வலிக்கல போயும் போயும் இதுக்காகவெல்லாம் அடிவாங்கிட்டமேன்னு அவமானம்தான் வலிச்சது 

பிறகு இன்னும் கொஞ்சம் மீசை வளர்ந்த பிறகு அமெரிக்காவின் அதி அற்புத காவியமான அமெரிக்கன் பை சீரிஸ்களை பார்க்கையில் அந்த நாட்டு டீன் ஏஜ் பசங்க மேல ஏக பொறாமை வந்தது முக்கியாமாக அந்த படத்துல ஆஸ்பிட்டல்ல இருந்து பாட்டிய கதை நாயகனோட பேரன்ட்ஸ் வீட்டுக்கு கூட்டிட்டு வரும்போது நடக்கும் பாருங்க ஒரு கலவரம் ஆகா 

நாம எல்லாம் அமெரிக்காவுக்கே போயிரலாம் சிவாஜின்னு தோணுச்சு இங்கிட்டு தான் கலாசாரம்னு மொக்க போட்டுகிட்டு இருக்கானுக இந்த நாடும் நாட்டு மக்களும் எப்படியோ போகட்டும் 

கதையின் நீதி : இந்தியாவில் செக்ஸ்கல்வி மிக அவசியம் ஆனா முதல்ல பேரண்ட்ஸ்களுக்கு :))) _/\_